Drög að reglugerð um umferðareftirlit Vegagerðarinnar til umsagnar

Til umsagnar eru nú hjá innanríkisráðuneytinu drög að reglugerð um umferðareftirlit Vegagerðarinnar. Umsagnarfrestur um drögin er til 13. september næstkomandi og skal senda umsagnir á netfangið postur@irr.is. 

Í reglugerðinni, sem á sér stoð í 6. mgr. 68. gr. umferðarlaga nr. 50/1987 með síðari breytingum, er meðal annars fjallað um hlutverk umferðareftirlitsmanna Vegagerðarinnar, hæfniskröfur, starfsþjálfun og einkennisfatnað. Þá er í nokkrum ákvæðum mælt fyrir um framkvæmd eftirlitsins, svo sem þungaeftirlit, eftirlit með hæð, breidd og lengd ökutækis og hleðslu, frágangi og merkingu farms.

• Drög að reglugerð um umferðareftirlit Vegagerðarinnar