Efnisorð
Tegund

Leita eftir efnisorðum

Sýnir 551–600 af 13112
Raða eftir:
24. feb. 2026Félags- og húsnæðismálaráðuneytið, Húsnæðis- og mannvirkjamál

Viljayfirlýsing undirrituð um húsnæðisuppbyggingu á landsbyggðinni

Ragnar Þór Ingólfsson, félags- og húsnæðismálaráðherra, Jón Björn Hákonarson, formaður Sambands íslenskra sveitarfélaga, og Hermann Jónasson, forstjóri Húsnæðis- og mannvirkjastofnunar, undirrituðu í dag viljayfirlýsingu um húsnæðisuppbyggingu um allt land. Markmiðið er að styðja við fjölbreyttar húsnæðislausnir í byggðakjörnum utan höfuðborgarsvæðisins. Jafnframt er lögð áhersla á að styðja við byggingu íbúðarhúsnæðis fyrir alla hópa samfélagsins í samræmi við þá íbúðaþörf sem húsnæðisáætlanir sveitarfélaganna gera ráð fyrir.

19. feb. 2026Félags- og húsnæðismálaráðuneytið

„Húsnæði fyrst“: Hyggst setja stefnu á landsvísu um málefni þeirra sem búa við heimilisleysi

Ragnar Þór Ingólfsson, félags- og húsnæðismálaráðherra, hyggst setja stefnu á landsvísu um málefni þeirra sem búa við heimilisleysi eða aðrar óviðunandi húsnæðisaðstæður. Stefnan mun fylgja hugmyndafræðinni um húsnæði fyrst (e. Housing first). Ráðherra tilkynnti þetta á opnum fundi um heimilisleysi sem Húsnæðis- og mannvirkjastofnun stóð fyrir í morgun.

17. feb. 2026Félags- og húsnæðismálaráðuneytið, Innflytjendur

Drög að þingsályktunartillögu vegna málefna innflytjenda lögð fram til samráðs

Drög að þingsályktunartillögu um framkvæmdaáætlun í málefnum innflytjenda fyrir árin 2026-2029 er nú til umsagnar í samráðsgátt stjórnvalda. Í tillögunni er að finna fimm megináherslur og 24 aðgerðir. Samkvæmt lögum um málefni innflytjenda skal ráðherra leggja fram á Alþingi tillögu til þingsályktunar um framkvæmdaáætlun í málefnum innflytjenda til fjögurra ára í senn að fenginni umsögn annarra ráðuneyta, stofnana, Vinnumálastofnunar og innflytjendaráðs.

17. feb. 2026Félags- og húsnæðismálaráðuneytið

Samráð gegn ofbeldi: Landssamráðsfundur um aðgerðir gegn ofbeldi

Landssamráðsfundur um aðgerðir gegn ofbeldi og afleiðingum þess verður haldinn 4. mars nk. á Hilton Reykjavík Nordica að undirlagi Ragnars Þórs Ingólfssonar, félags- og húsnæðismálaráðherra. Embætti ríkislögreglustjóra sér um skipulagningu og framkvæmd fundarins og er undirbúningur þegar hafinn. Markmið fundarins er að efla þverfaglegt samstarf og deila þekkingu um forvarnir og meðferð ofbeldismála. Sjónarhorn þolenda og leiðir til að fá gerendur til að breyta hegðun sinni til að draga úr ítrekuðum brotum verða í brennidepli.

13. feb. 2026Félags- og húsnæðismálaráðuneytið, Málefni eldra fólks, Vinnumál

Ragnar Þór Ingólfsson fundar á Kýpur með evrópskum félags- og vinnumarkaðsráðherrum

Félagslegt réttlæti, heilbrigður vinnumarkaður og barátta gegn fátækt eru meðal fundarefna á ráðherrafundi sem nú stendur yfir í Lefkosia á Kýpur. Ragnar Þór Ingólfsson, félags- og húsnæðismálaráðherra, sækir fundinn fyrir Íslands hönd. Fundinn sitja félags- og vinnumarkaðsráðherrar ESB- og EFTA-ríkjanna.

11. feb. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 726/2025-Úrskurður

Meðlag. Staðfest ákvörðun Tryggingastofnunar ríkisins að synja umsókn kæranda um milligöngu meðlagsgreiðslna. Engin heimild er í lögum til þess að greiða meðlag lengra en 12 mánuði aftur í tímann, sbr. sbr. 4. mgr. 42. gr. laga um almannatryggingar. Þá er Tryggingastofnun ekki heimilt samkvæmt 67. gr. barnalaga að hafa milligöngu um meðlagsgreiðslur ef rétthafi greiðslna er ekki búsettur hér á landi.

11. feb. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 13/2026-Úrskurður

Sérstakt framlag. Staðfest ákvörðun Sýslumannsins á höfuðborgarsvæðinu um að hafna beiðni kæranda um úrskurð um sérstakt framlag vegna kostnaðar við útför sonar hans. Með vísan til 3. mgr. 41. gr. laga um almannatryggingar er það mat úrskurðarnefndar að beiðni kæranda hafi ekki verið lögð fram innan tilskilinna tímamarka.

11. feb. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 789/2026-Úrskurður

Sérstakt framlag. Staðfest ákvörðun Tryggingastofnunar ríkisins um að hafa milligöngu um sérstakt framlag vegna fermingar dóttur kæranda. Með vísan til 1. mgr. 42. gr. laga um almannatryggingar er það mat úrskurðarnefndar að ekki sé heimilt að synja barnsmóður kæranda um milligöngu sérstaks framlags þar sem fyrir liggur löggild ákvörðun sem kveður á um greiðsluskyldu hans.

11. feb. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 722/2025-Beiðni um endurupptöku

Endurupptökubeiðni. Úrskurðarnefnd velferðarmála taldi að ekki yrði ráðið af gögnum málsins að niðurstaða nefndarinnar hafi byggst á ófullnægjandi eða röngum upplýsingum um málsatvik, sbr. 1. mgr. 24. gr. laga nr. 37/1993 né að kærandi eigi rétt á endurupptöku málsins á grundvelli ólögfestra reglna stjórnsýsluréttar.

10. feb. 2026Félags- og húsnæðismálaráðuneytið, Húsnæðis- og mannvirkjamál

Skóflustunga tekin að nýju uppbyggingarverkefni í Hafnarfirði með fjölda íbúða fyrir fyrstu kaupendur sem fá hlutdeildarlán

Skóflustunga var í dag tekin að nýju uppbyggingarverkefni í Hafnarfirði með fjölda íbúða fyrir fyrstu kaupendur sem fá hlutdeildarlán. Þetta er fyrsta verkefnið sem stjórnvöld og byggingaraðilar ráðast sameiginlega í eftir að ríkisstjórnin kynnti fyrsta húsnæðispakkann sinn. Byggðar verða tæplega 400 íbúðir – þar af þriðjungur fyrir fyrstu kaupendur í gegnum hlutdeildarlán.