Efnisorð
Tegund

Leita eftir efnisorðum

Sýnir 751–800 af 899
Raða eftir:
31. mar. 2022Utanríkisráðuneytið, Utanríkismál, Alþjóðamál, Mannréttindi, Þróunarsamvinna, Sameinuðu þjóðirnar, Mannréttindi og jafnrétti

Ísland veitir 400 milljónum í neyðaraðstoð í Afganistan

Utanríkisráðherra tilkynnti um samtals 400 milljóna króna framlag Íslands til neyðaraðstoðar í Afganistan á fjáröflunarfundi Sameinuðu þjóðanna í dag. Þar af er 360 milljóna króna framlag fyrir tímabilið 2022-2024 sem skiptist milli Samræmingarskrifstofu Sameinuðu þjóðanna í mannúðarmálum (OCHA), Matvælaáætlunar Sameinuðu þjóðanna (WFP) og Flóttamannastofnunar Sameinuðu þjóðanna (UNHCR). Þá tilkynnti ráðherra einnig um fjörtíu milljóna króna framlag til Mannfjöldasjóðs Sameinuðu þjóðanna (UNFPA). Um er að ræða áherslustofnanir Íslands í mannúðaraðstoð og þróunarsamvinnu og lykilstofnanir í verkefnum Sameinuðu þjóðanna í Afganistan.

18. mar. 2022Atvinnuvegaráðuneytið, Útlendingar, Alþjóðamál, Úkraína, Atvinnuvegir

Flóttafólki frá Úkraínu leyft að hafa með sér gæludýr

Að fenginni umsögn Matvælastofnunar hefur Svandís Svavarsdóttir, matvælaráðherra ákveðið að veita undanþágu frá gildandi banni við innflutningi gæludýra frá Úkraínu að uppfylltum skilyrðum. Ráðuneytið hefur leitað til þeirra einangrunarstöðva sem starfa á landinu og ríkir þar góður vilji til að finna viðeigandi lausnir.

14. mar. 2022Utanríkisráðuneytið, Alþjóðamál, Utanríkismál

Íslenskt sendiráð opnað í Varsjá

Ákveðið hefur verið að íslenskt sendiráð verði stofnsett í Varsjá í Póllandi síðar á þessu ári. Þórdís Kolbrún Reykfjörð Gylfadóttir utanríkisráðherra kynnti tillögu þess efnis á fundi ríkisstjórnarinnar síðastliðinn föstudag og kynnti utanríkismálanefnd málið í morgun. Hún átti í hádeginu fund með Gerard Sławomir Pokruszyński, sendiherra Póllands á Íslandi, þar sem honum var greint frá áformunum.

10. mar. 2022Utanríkisráðuneytið, Alþjóðamál, Utanríkismál

Skýrsla utanríkisráðherra um utanríkis- og alþjóðamál lögð fyrir Alþingi

Skýrsla utanríkisráðherra um utanríkis- og alþjóðamál var til umræðu á Alþingi í dag en skýrslan er sú fyrsta sem Þórdís Kolbrún Reykfjörð Gylfadóttir leggur fram til Alþingis í embætti utanríkisráðherra. Ráðherra hóf ræðu sína á Alþingi á því að fjalla um horfur í alþjóðamálum. Þó svo að skýrslan miðist við almanaksárið 2021 var ekki hjá því komist að minnast á innrás Rússlands í Úkraínu og þá viðsjárverðu tíma sem við horfum nú fram á í öryggismálum í Evrópu.

09. mar. 2022Utanríkisráðuneytið, Alþjóðamál, Úkraína, Utanríkismál

Hlé gert á samstarfi við Rússa á vettvangi Barentsráðsins og Norðlægu víddarinnar

Aðildarríki Barentsráðsins (e. Barents Euro-Arctic Council, BEAC), að Rússlandi frátöldu, hafa birt sameiginlega yfirlýsingu þar sem innrás Rússlands í Úkraínu er harðlega fordæmd. Gert verður tímabundið hlé á samstarfi við Rússland á vettvangi ráðsins þar til annað verður ákveðið. Þá hafa Evrópusambandið, Noregur og Ísland birt sameiginlega yfirlýsingu á vettvangi samstarfsins um Norðlægu víddina (Northern Dimension) þar sem innrás Rússlands í Úkraínu er harðlega fordæmd. Ákvörðun er tekin um að meina Rússlandi þátttöku í starfsemi Norðlægu víddarinnar þar til annað verður ákveðið.

08. mar. 2022Utanríkisráðuneytið, Utanríkismál, Alþjóðamál, Mannréttindi og jafnrétti

Kvenkyns utanríkisráðherrar funduðu um stöðu kvenna í Afganistan

Staða kvenna og stúlkna í Afganistan var rædd á fjarfundi kvenkyns utanríkisráðherra í gær en fundurinn var haldinn að frumkvæði Marise Payne, utanríkis- og kvennamálaráðherra Ástralíu. Á fundinum hlýddu ráðherrarnir á erindi frá afgönskum mannréttindafrömuðum sem sögðu frá reynslu sinni og þeirri stöðu sem blasir við konum og stúlkum í Afganistan frá yfirtöku Talibana í ágúst á síðasta ári.

08. mar. 2022Utanríkisráðuneytið, Utanríkismál, Alþjóðamál, Jafnrétti, Löggæsla, Mannréttindi og jafnrétti

Aðgerðir gegn kynbundnu ofbeldi ræddar á málstofu á alþjóðlegum baráttudegi kvenna

Samningsskuldbindingar Íslands vegna Istanbúl-samningsins, með sérstakri áherslu á stafrænt kynferðisofbeldi og þátttöku karla og drengja í forvarnarstarfi gegn kynbundnu ofbeldi, voru til umræðu á málstofu sem utanríkisráðuneytið stóð fyrir á alþjóðlegum baráttudegi kvenna í dag.

25. feb. 2022Utanríkisráðuneytið, Vísindi nýsköpun og rannsóknir, Alþjóðamál, Alþjóðasamningar, Öryggis- og varnarmál, Utanríkisviðskipti, Utanríkismál, Úkraína

Utanríkisráðherra á fundi útflutnings- og markaðsráðs

Ástandið í Úkraínu og mikilvægi friðar og alþjóðalaga voru helstu umfjöllunarefni í ávarpi Þórdísar Kolbrúnar Reykfjörð Gylfadóttur utanríkisráðherra á fundi útflutnings- og markaðsráðs í dag. Fundurinn fór fram í húsakynnum Íslandsstofu í Grósku.

22. des. 2021Utanríkisráðuneytið, Utanríkismál, Alþjóðamál, Mannréttindi, Þróunarsamvinna, Mannréttindi og jafnrétti

Ísland styður verkefni sem miðar að því að útrýma fæðingarfistli í Síerra Leóne

Þórdís Kolbrún Reykfjörð Gylfadóttir, utanríkis- og þróunarsamvinnuráðherra, og Argentina Matavel-Piccin, yfirmaður skrifstofu Mannfjöldasjóðs Sameinuðu þjóðanna (UNFPA) fyrir Vestur- og Mið-Afríku, hafa skrifað undir samstarfssamning um verkefni sem styður stjórnvöld í Síerra Leóne í viðleitni sinni við að útrýma fæðingarfistli í landinu. Um er að ræða nokkuð algengt og mjög alvarlegt vandamál í landinu, en með verkefninu munu lífsgæði fjölda kvenna batna til mikilla muna. Verkefnið verður unnið í náinni samvinnu við heilbrigðisyfirvöld í Síerra Leóne en frjáls félagasamtök taka jafnframt þátt í því.

21. des. 2021Utanríkisráðuneytið, Alþjóðamál, Flóttafólk, Heimsmarkmiðin, Jafnrétti, Þróunarsamvinna, UN Women, Utanríkismál

66°Norður og UN Women fá styrk til atvinnusköpunar fyrir flóttakonur

66°Norður og UN Women á Íslandi hafa fengið styrk úr Heimsmarkmiðasjóði atvinnulífsins um þróunarsamvinnu til að vinna að verkefni til atvinnusköpunar fyrir flóttakonur frá þróunarríkjum í Tyrklandi. Þórdís Kolbrún Reykfjörð Gylfadóttir utanríkis- og þróunarsamvinnuráðherra og Bjarney Harðardóttir hjá 66°Norður skrifuðu undir samning í gær um tæplega 30 milljóna króna styrk ráðuneytisins gegn sambærilegu mótframlagi fyrirtækisins.

17. des. 2021Utanríkisráðuneytið, Alþjóðamál, Öryggis- og varnarmál, Utanríkismál

Úkraína í brennidepli á varnarmálaráðherrafundi NB8

Málefni Úkraínu voru til umfjöllunar á fjarfundi varnarmálaráðherra Norðurlandanna og Eystrasaltsríkjanna (NB8) í dag. Ríkin eru sammála um að sú staða sem þar er komin upp ​vegna umfangsmikillar hernaðaruppbyggingar Rússlands sé verulegt áhyggjuefni, ekki síst í samhengi við pólitískar yfirlýsingar rússneskra stjórnvalda að undanförnu.

08. des. 2021Utanríkisráðuneytið, Alþjóðamál, Þróunarsamvinna, Utanríkismál

Ísland setur 95 milljónir í Neyðarsjóð Sameinuðu þjóðanna

Framlag Íslands til Neyðarsjóðs Sameinuðu þjóðanna (CERF) verður 95 milljónir króna á næsta ári. Þórdís Kolbrún R. Gylfadóttir, utanríkis- og þróunarsamvinnuráðherra, greindi frá þessari ákvörðun á framlagaráðstefnu sjóðsins í dag, en Ísland mun veita 45 milljón króna viðbótarframlag auk venjubundins 50 milljón króna framlags sem Ísland greiðir samkvæmt rammasamningi við sjóðinn.

17. nóv. 2021Atvinnuvegaráðuneytið, Auðlindir, Alþjóðamál, Alþjóðasamningar, Sjávarútvegur, Atvinnuvegir

Ársfundur NEAFC 2021

Ársfundur Norðuraustur-Atlantshafsfiskveiðiráðsins (NEAFC), sá 40. í röðinni, var haldinn í dagana 9.-12. nóvember. Ráðið fer með stjórn fiskveiða utan lögsagna ríkja á Norðaustur-Atlantshafi. Aðilar að NEAFC eru Bretar, Danmörk (varðandi Færeyjar og Grænland), Evrópusambandið, Ísland, Noregur og Rússland. Stefán Ásmundsson, skrifstofustjóri í atvinnuvega- og nýsköpunarráðuneytinu (ANR) fór fyrir íslensku sendinefndinni á fundinum. Í sendinefndinni voru, auk fulltrúa ANR, fulltrúar utanríkisráðuneytisins, Fiskistofu, Hafrannsóknastofnunar, Landhelgisgæslunnar og Samtaka fyrirtækja í sjávarútvegi.

16. nóv. 2021Umhverfis-٫ orku- og loftslagsráðuneytið, Alþjóðamál, Alþjóðasamningar, Loftslagsmál, Umhverfi og náttúruvernd, Utanríkisráðuneytið, Forsætisráðuneytið

Ríki vilja halda hitastigi undir 1,5 gráðum

Á loftslagsráðstefnunni COP26 sem lauk í Glasgow um helgina, staðfestu aðildarríki loftslagssamnings Sameinuðu þjóðanna mikilvægi þess að halda hækkun hitastigs jarðar undir 1,5°C. Staðfestingin er mikilvæg fyrir áframhaldandi baráttu gegn loftslagsbreytingum.

16. nóv. 2021Utanríkisráðuneytið, Alþjóðamál, Alþjóðasamningar, Jafnrétti, Þróunarsamvinna, Fjölþjóðastofnanir, Sameinuðu þjóðirnar, Utanríkismál

Fyrsti rammasamningur Íslands við UNFPA

Martin Eyjólfsson, ráðuneytisstjóri í utanríkisráðuneytinu, og Ib Petersen, aðstoðarframkvæmdastjóri Mannfjöldasjóðs Sameinuðu þjóðanna (UNFPA), skrifuðu í gær undir rammasamning um stuðning Íslands við UNFPA. Með samningnum formfestir Ísland stuðning sinn við stofnunina og fylgir eftir skuldbindingu í verkefninu Kynslóð jafnréttis sem forsætisráðherra Íslands tilkynnti á leiðtogafundi í París síðastliðið sumar.

03. nóv. 2021Utanríkisráðuneytið, Alþjóðamál, Loftslagsmál, Þróunarsamvinna, Fjölþjóðastofnanir, Utanríkismál

Ísland eykur framlag sitt til loftslagstengdrar þróunarsamvinnu

Guðlaugur Þór Þórðarson, utanríkis- og þróunarsamvinnuráðherra, ávarpaði í dag viðburð Þróunaráætlunar Sameinuðu þjóðanna (UNDP) sem haldinn var af tilefni loftlagsráðstefnunarinnar í Glasgow, COP26. Þar tilkynnti hann jafnframt þátttöku Íslands í fjármögnun verkefnis UNDP til stuðnings loftslagstengdrar þróunarsamvinnu. Framlag Íslands nemur 150 milljónum króna til næstu þriggja ára.

29. okt. 2021Utanríkisráðuneytið, Alþjóðamál, Loftslagsmál, Orka, Fjölþjóðastofnanir, Sameinuðu þjóðirnar, Utanríkismál

Ráðherra lagði áherslu á græna orku á ráðherrafundi um loftslagsmál

Guðlaugur Þór Þórðarson, utanríkis- og þróunarsamvinnuráðherra, tók þátt í ráðherrafundi um loftslagsmál á vegum forseta allsherjarþings Sameinuðu þjóðanna þann 26. október. Fundinum var ekki síst ætlað að auka á þrýsting um árangur á loftslagsfundi Sameinuðu þjóðanna, COP26, sem hefst í Glasgow þann 1. nóvember.

27. sep. 2021Utanríkisráðuneytið, Alþjóðamál, Covid-19, Jafnrétti, Loftslagsmál, Mannréttindi, Orka, Sameinuðu þjóðirnar, Fastanefnd Íslands hjá S.þ., Utanríkismál, Sendiskrifstofa

Loftslagsmál og mannréttindi efst á baugi í ræðu ráðherra á allsherjarþinginu

Guðlaugur Þór Þórðarson, utanríkis- og þróunarsamvinnuráðherra, talaði fyrir aðgerðum í loftslagsmálum, jafnari dreifingu bóluefna og mikilvægi mannréttinda og alþjóðalaga fyrir hagsæld og framþróun ríkja í ræðu á allsherjarþingi Sameinuðu þjóðanna í dag.

21. sep. 2021Utanríkisráðuneytið, Utanríkismál, Alþjóðamál, Covid-19, Heimsmarkmiðin, Jafnrétti, Loftslagsmál, Mannréttindi, Sameinuðu þjóðirnar, Fastanefnd Íslands hjá S.þ., Mannréttindi og jafnrétti

UNGA76: Sjálfbær auðlindanýting, loftslagsmál og mannréttindi leiðarstefin

Nú stendur yfir 76. allsherjarþing Sameinuðu þjóðanna í New York sem sett var með formlegum hætti í síðustu viku. Að þessu sinni verður þingið blanda af fjarfundum og beinni þátttöku vegna heimsfaraldursins. Íslenskir ráðamenn taka þátt í þinginu og hliðarviðburðum með fjarfundabúnaði og myndabandsupptökum.

06. sep. 2021Utanríkisráðuneytið, Alþjóðamál, Borgaraþjónusta, Öryggis- og varnarmál, Utanríkismál

Fundur utanríkisráðherra Norðurlanda um Afganistan og skýrslu Björns Bjarnasonar

Framkvæmd tillagna Björns Bjarnasonar um eflingu norræns utanríkismálasamstarfs, ástandið í Afganistan og samstarf á vettvangi alþjóðastofnana voru efst á baugi fjarfundar utanríkisráðherra Norðurlanda í dag. Guðlaugur Þór Þórðarson utanríkis- og þróunarsamvinnuráðherra tók þátt í fundinum fyrir Íslands hönd.

27. júl. 2021Utanríkisráðuneytið, Alþjóðasamningar, Brexit, Alþjóðamál

Ungir Íslendingar geti búið og starfað í Bretlandi

Samkomulag er í höfn milli Íslands og Bretlands sem gerir ungu fólki frá Íslandi, á aldrinum 18 til 30 ára, mögulegt að búa og starfa í Bretlandi í allt að tvö ár. Guðlaugur Þór Þórðarson utanríkis- og þróunarsamvinnuráðherra, og Michael Nevin, sendiherra Bretlands á Íslandi, undirrituðu samkomulagið í dag en það gerir ungum Bretum að sama skapi mögulegt að búa og starfa á Íslandi.

03. jún. 2021Utanríkisráðuneytið, Aðgerðir gegn spillingu og mútubrotum, Alþjóðamál, Utanríkismál

Ráðherra ávarpaði fund allsherjarþingsins gegn spillingu

Guðlaugur Þór Þórðarson, utanríkis- og þróunarsamvinnuráðherra, flutti í dag ávarp á sérstökum fundi í allsherjarþingi Sameinuðu þjóðanna gegn spillingu. Yfirlýst markmið fundarins er að skapa vettvang fyrir alþjóðasamfélagið til að ræða sameiginlegar áskoranir við að koma í veg fyrir og vinna gegn spillingu, og greina úrlausnir þeirra áskoranna.

31. maí 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Alþjóðamál, Covid-19

Tók þátt í fundi fjármálaráðherra OECD og ræddi viðbrögð við heimsfaraldri

Bjarni Benediktsson, fjármála- og efnahagsráðherra, tók í dag þátt í árlegum fundi fjármálaráðherra Efnahags- og framfarastofnunarinnar (OECD). Fundurinn, sem í ár er fjarfundur, stendur í dag og á morgun. Þar er einkum rætt um viðbrögð og lærdóma aðildarríkjanna af heimsfaraldri kórónuveiru en einnig er fundurinn kveðjufundur Angel Gurría, fráfarandi framkvæmdastjóra OECD, sem lætur af embætti 1. júní.

19. maí 2021Utanríkisráðuneytið, Alþjóðamál, Loftslagsmál, Norðurslóðir, Utanríkisviðskipti, Utanríkismál

Guðlaugur Þór fundaði með utanríkisráðherrum Kanada, Finnlands og Svíþjóðar

Guðlaugur Þór Þórðarson utanríkis- og þróunarsamvinnuráðherra átti í dag tvíhliða fundi með utanríkisráðherrum Kanada, Finnlands og Svíþjóðar sem komnir eru hingað til lands í tilefni af ráðherrafundi Norðurskautsráðsins. Samskipti ríkjanna og ýmis önnur málefni voru þar til umræðu.

18. maí 2021Utanríkisráðuneytið, Alþjóðamál, Loftslagsmál, Norðurslóðir, Öryggis- og varnarmál, Utanríkisviðskipti, Utanríkismál

Einhugur á fundi utanríkisráðherra Bandaríkjanna og Íslands

Viðskiptamál, öryggis- og varnarmál, málefni norðurslóða, alþjóðamál og mannréttindi voru helstu umræðuefnin á fundi Guðlaugs Þórs Þórðarsonar utanríkis- og þróunarsamvinnuráðherra og Antony Blinken utanríkisráðherra Bandaríkjanna í dag. Ráðherrarnir skoðuðu Hellisheiðarvirkjun og Carbfix-verkefnið síðdegis.

07. apr. 2021Utanríkisráðuneytið, Alþjóðamál, Covid-19, Þróunarsamvinna, Alþjóðabankinn, Utanríkismál

Guðlaugur Þór áréttaði mikilvægi einkageirans á fundi Alþjóðabankans

Framþróun einkageirans og græn uppbygging í þróunarlöndum voru helsta umfjöllunarefnið á ráðherrafundi kjördæmis Norðurlanda og Eystrasaltsríkja hjá Alþjóðabankanum sem fram fór í dag. Guðlaugur Þór Þórðarson utanríkis- og þróunarsamvinnuráðherra lagði þar sérstaka áherslu á mikilvægi þess að styðja við lítil og meðalstór fyrirtæki í þróunarlöndunum og að viðspyrnuaðgerðir vegna kórónuveirufaraldursins nái til kvenna.