Efnisorð
Tegund

Leita eftir efnisorðum

Sýnir 1701–1750 af 2497
Raða eftir:
16. des. 2019Heilbrigðisráðuneytið, Heilbrigðismál, Líf og heilsa

Heilbrigðisráðherra veitir 18 milljóna króna fræðslustyrki í þágu fólks með heilabilun

Svandís Svavarsdóttir heilbrigðisráðherra veitti í dag Alzheimersamtökunum 15 milljóna króna styrk til að hrinda í framkvæmd tveimur fræðsluverkefnum sem snúa að þjónustu við aldraða og fólki með heilabilun. Einnig veitti hún Landssamtökum eldri borgara þriggja milljóna króna styrk til gerðar fræðsluefnis um leiðir til að fyrirbyggja einmanaleika og félagslega einangrun aldraðra. Verkefnin þrjú falla öll að aðgerðaáætlun í málefnum fólks með heilabilun sem verið er að leggja á lokahönd í heilbrigðisráðuneytinu

14. des. 2019Fjármála- og efnahagsráðuneytið, Líf og heilsa, Rekstur og eignir ríkisins, Efnahagsmál og opinber fjármál

Hagstæð aldurssamsetning skýrir lægri útgjöld til heilbrigðismála

Framlög til heilbrigðismála hafa hækkað verulega á Íslandi síðustu ár. Frá því að núverandi ríkisstjórn tók við hafa þau fengið meira vægi og vaxið um rúmlega 28% frá árinu 2017. Íslenska þjóðin er ung í alþjóðlegum samanburði, sem hefur í för með sér að útgjaldabyrði vegna heilbrigðismála er minni hér á landi en í nágrannalöndunum.

13. des. 2019Heilbrigðisráðuneytið, Heilbrigðismál, Líf og heilsa

Mikilvægar breytingar í þágu sykursjúkra

Fólki með insúlínháða sykursýki mun fljótlega standa til boða nýr búnaður sem gerir notendum kleift að fylgjast á einfaldan hátt með blóðsykri sínum og stuðlar þannig m.a. að markvissari meðferð. Svandís Svavarsdóttir heilbrigðisráðherra hefur undirritað reglugerð sem tryggir niðurgreiðslu búnaðarins og kveður jafnframt á um breytingu í þágu þeirra sem ekki geta eða eiga kost á að nýta sér fyrrnefndan búnað, þannig að sömu reglur gildi fyrir alla, ólíkt því sem verið hefur.

10. des. 2019Ræður og greinar, Heilbrigðisráðuneytið, Heilbrigðismál, Líf og heilsa

Geðheilsuteymi fanga sett á fót

10 desember 2019 / Heilbrigðisráðuneytið Geðheilsuteymi fanga sett á fót Heilbrigðisráðuneyti Í liðinni viku kynnti ég áform um stofnun sérstaks geðheilsuteymis fyrir fanga. Teymið mun sinna geðheilbrigðisþjónustu við fanga í öllum fangelsum landsins en verkefnið er afrakstur metnaðarfullrar samvinnu heilbrigðis- og dómsmálaráðuneyta undanfarna mánuði. Samningur þessa efnis milli Sjúkratrygginga Íslands og Heilsugæslu höfuðborgarsvæðisins var undirritaður á fjölmiðlafundi í fangelsinu á Hólmsheiði í síðustu viku og ásamt mér kynntu Páll Winkel, forstjóri Fangelsismálastofnunar, og Óskar Reykdalsson, forstjóri Heilsugæslu höfuðborgarsvæðisins, hvernig unnið hefur verið að því að móta nýtt skipulag þessarar þjónustu við fanga

05. des. 2019Heilbrigðisráðuneytið, Líf og heilsa, Dómsmálaráðuneytið

Brotið í blað í geðheilbrigðisþjónustu við fanga

Heilsugæslu höfuðborgarsvæðisins (HH) hefur verið falið að sinna geðheilbrigðisþjónustu við fanga í öllum fangelsum landsins. Stofnað verður sérhæft, þverfaglegt geðheilsuteymi fanga (GHTF) í þessu skyni sem mun starfa með og styðja við starfsemi heilsugæslunnar í fangelsum. Teymið verður hreyfanlegt og mun einnig nýta tæknilausnir á sviði fjarheilbrigðisþjónustu til að sinna þjónustunni. Samningur þessa efnis milli Sjúkratrygginga Íslands og Heilsugæslu höfuðborgarsvæðisins var undirritaður í fangelsinu á Hólmsheiði í dag.…

04. des. 2019Heilbrigðisráðuneytið, Heilbrigðismál, Líf og heilsa

Umsækjendur um embætti skrifstofustjóra á skrifstofu lýðheilsu og forvarna

Alls bárust 17 umsóknir um embætti skrifstofustjóra á skrifstofu lýðheilsu og forvarna í heilbrigðisráðuneytinu en umsóknarfrestur rann út 29. nóvember síðastliðinn. Sérstök hæfnisnefnd, skipuð þremur einstaklingum, mun meta hæfni umsækjenda og skila greinargerð til ráðherra. Nefndin starfar samkvæmt reglum nr. 393/2012, um ráðgefandi nefndir er meta hæfni umsækjenda um embætti við Stjórnarráð Íslands.

02. des. 2019Rit og skýrslur, Líf og heilsa, Heilbrigðisráðuneytið

Framtíðarskipan líknarþjónustu á Íslandi með sérstakri áherslu á höfuðborgarsvæðið, Suðurnes, Vesturland og Suðurland. – Tillögur starfshóps

desember 2019 / Heilbrigðisráðuneytið Framtíðarskipan líknarþjónustu á Íslandi með sérstakri áherslu á höfuðborgarsvæðið, Suðurnes, Vesturland og Suðurland. – Tillögur starfshóps Framtíðarskipan líknarþjónustu á Íslandi með sérstakri áherslu á höfuðborgarsvæðið, Suðurnes, Vesturland og Suðurland

02. des. 2019Heilbrigðisráðuneytið, Heilbrigðismál, Líf og heilsa

Tillögur um framtíðarskipan líknarþjónustu

Starfshópur sem Svandís Svavarsdóttir heilbrigðisráðherra skipaði til að gera tillögur að skipulagningu líknar- og lífslokameðferðar höfuðborgarsvæðinu, Suðurnesjum, Suðurlandi og Vesturlandi hefur skilað ráðherra skýrslu með niðurstöðum sínum. Ráðherra tók við skýrslunni og fékk greinargóða kynningu hópsins á efni hennar og tillögum á fundi í ráðuneytinu fyrir helgi.

30. nóv. 2019Ræður og greinar, Heilbrigðisráðuneytið, Heilbrigðismál, Líf og heilsa

Fjölbreytt þjónusta við aldraða

30 nóvember 2019 / Heilbrigðisráðuneytið Fjölbreytt þjónusta við aldraða Heilbrigðisráðuneyti Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Árið 2019 voru 14% Íslendinga 65 ára og eldri, samanborið við 10% Íslendinga árið 1980. Spár Efnahags- og framfarastofnunarinnar, OECD, gera ráð fyrir því að árið 2050 verði 25% Íslendinga 65 ára og eldri. Hækkandi hlutfall aldraðra felur í sér áskoranir fyrir heilbrigðiskerfið, en líka tækifæri til þess að hugsa hlutina upp á nýtt, gera betur og breyta

28. nóv. 2019Heilbrigðisráðuneytið, Heilbrigðismál, Líf og heilsa

Heilsueflandi móttökur settar á fót um allt land

Svandís Svavarsdóttir heilbrigðisráðherra hefur ákveðið að ráðstafa 200 milljónum króna af fjárlögum næsta árs til að koma á fót heilsueflandi móttökum um allt land innan heilsugæslunnar. Framlagið kemur til viðbótar 130 milljónum króna sem ráðherra hefur ákveðið að verja til að efla þjónustu heimahjúkrunar. Móttökurnar verða ætlaðar eldra fólki og einstaklingum með fjölþætt eða langvinn heilsufarsvandamál. Markmiðið að tryggja þessum hópi þverfaglega og heildstæða heilbrigðisþjónustu og innleiða skipulagða heilsuvernd fyrir aldraða.

27. nóv. 2019Heilbrigðisráðuneytið, Heilbrigðismál, Líf og heilsa

Hámarksgeymslutími kynfruma lengdur

Svandís Svavarsdóttir heilbrigðisráðherra hefur ákveðið að breyta reglugerð um tæknifrjóvgun þannig að hámarksgeymslutími kynfruma verði lengdur úr tíu árum í tuttugu. Breytingin er einkum til hagsbóta fyrir ungt fólk sem af einhverjum ástæðum vilja geyma kynfrumur sínar lengur en nú er heimilt, til dæmis vegna illkynja sjúkóma, kynleiðréttingarferlis eða af öðrum ástæðum.

25. nóv. 2019Heilbrigðisráðuneytið, Heilbrigðismál, Líf og heilsa

Bygging 60 rýma hjúkrunarheimilis í Árborg hafin

Svandís Svavarsdóttir heilbrigðisráðherra og Gísli Halldór Halldórsson bæjarstjóri Árborgar tóku fyrstu skóflustunguna að nýju hjúkrunarheimili fyrir íbúa sveitarfélaga á Suðurlandi síðastliðinn föstudag. Byggingaframkvæmdir hefjast af fullum krafti í desember. Stefnt er að því að hjúkrunarheimilið verði tilbúið til notkunar haustið 2021. Með tilkomu heimilisins fjölgar hjúkrunarrýmum á svæðinu um 25 frá því sem nú er.

21. nóv. 2019Heilbrigðisráðuneytið, Heilbrigðismál, Líf og heilsa

Endurnýjun sjúkrabílaflotans hafin – 25 nýir bílar keyptir

Ákvörðun Sjúkratrygginga Íslands um kaup á 25 nýjum sjúkrabílum liggur fyrir í kjölfar útboðs Ríkiskaupa. Þar með er endurnýjun sjúkrabílaflotans hafin í samræmi við samkomulag Sjúkratrygginga Íslands og Rauða krossins á Íslandi frá 11. júlí síðastliðnum. Reiknað er með að fyrstu bílarnir verði afhentir fullbúnir til notkunar í september á næsta ári. Frá þessu er sagt í tilkynningu á vef Sjúkratrygginga Íslands.

19. nóv. 2019Heilbrigðisráðuneytið, Heilbrigðismál, Líf og heilsa

Vel heppnað heilbrigðisþing að baki

Fjölmennt var á heilbrigðisþingi um siðferðileg gildi og forgangsröðun í heilbrigðisþjónustu síðastliðinn föstudag og margir fylgdust með þinginu í beinni útsendingu á vefnum. Hægt er að nálgast upptöku af þinginu í heild, glærur fyrirlesara hafa verið gerðar aðgengilegar og sömuleiðis fjöldi ljósmynda sem teknar voru af fyrirlesurum og gestum þingsins meðan á því stóð.

14. nóv. 2019Heilbrigðisráðuneytið, Heilbrigðismál, Líf og heilsa

Þarfir í sjöunda veldi

Guðlaug Rakel Jónsdóttir, framkvæmdastjóri meðferðarsviðs Landspítala, hefur í starfi sínu lagt áherslu á innleiðingu rauntímamæla, gæða og öryggisvísa. Hún hefur starfað við stjórnun heilbrigðisþjónustu í yfir tuttugu ár og setið í innlendum og erlendum fagnefndum innan heilbrigðisþjónustu. Guðlaug Rakel er meðal fyrirlesara á heilbrigðisþinginu á morgun og heldur þar erindi sem hún kallar „þarfir í sjöunda veldi."

13. nóv. 2019Heilbrigðisráðuneytið, Heilbrigðismál, Líf og heilsa

Lausnir 21. aldarinnar við langvinnum sjúkdómum - umfjöllunarefni á heilbrigðisþingi 2019

Langvinnir lífsstílstengdir sjúkdómar eiga þátt í allt að 86% dauðsfalla í Vestur-Evrópu og taka til sín um 70-80% alls kostnaðar sem tengist heilbrigðismálum. Marga þessara sjúkdóma og dauðsfalla er hægt að fyrirbyggja eða takmarka með markvissu forvarnastarfi og lífsstílsmeðferð. ,,Í ljósi þess er óskiljanlegt að Íslendingar verji aðeins um 1,6% af heilbrigðisútgjöldum í forvarnir" segja þeir Tryggvi Þorgeirsson læknir og lýðheilsufræðingur og Davíð O. Arnar, yfirlæknir hjartalækninga á Landspítala. Á heilbrigðisþinginu á föstudaginn munu þeir fjalla um þetta og ræða hvernig auka megi þátttöku og virkni fólks í eigin meðferð, fyrirbyggja sjúkdóma og nýta betur ýmis gögn og tækni með aðferðum 21. aldarinnar.

12. nóv. 2019Ræður og greinar, Heilbrigðisráðuneytið, Heilbrigðismál, Líf og heilsa

Minnkum skaða

12 nóvember 2019 / Heilbrigðisráðuneytið Minnkum skaða Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Hugmyndafræði skaðaminnkunar verður sífelld útbreiddari. Alþjóðlegu samtökin um skaðaminnkun hafa skilgreint skaðaminnkun sem stefnu, verkefni eða verklag sem miðar fyrst og fremst að því að draga úr heilsufarslegum, félagslegum og efnahagslegum afleiðingum notkunar löglegra og ólöglegra vímuefna án þess endilega að draga úr vímuefnanotkun. Það sem einkennir þessa leið er áherslan á að fyrirbyggja skaða fremur en að fyrirbyggja sjálfa notkunina

12. nóv. 2019Heilbrigðisráðuneytið, Líf og heilsa

Starfsstjórn tekin til starfa á Reykjalundi

Sérstök þriggja manna starfsstjórn Reykjalundar sem sett hefur verið á fót fyrir tilstilli heilbrigðisráðherra var kynnt fyrir starfsfólkinu þar í morgun. Starfsstjórnin hefur fullt sjálfstæði og óskorað umboð til athafna við stjórnun stofnunarinnar meðan unnið verður að því að aðgreina rekstur endurhæfingarþjónustu Reykjalundar frá annarri starfsemi og eignum SÍBS. Stefán Yngvason endurhæfingarlæknir verður formaður starfsstjórnarinnar en aðrir stjórnarmenn eru Anna Stefánsdóttir hjúkrunarfræðingur og Óskar Jón Helgason, sjúkraþjálfari.

11. nóv. 2019Heilbrigðisráðuneytið, Heilbrigðismál, Líf og heilsa

Forgangsröðun í fjárveitingum til umfjöllunar á heilbrigðisþingi 15. nóvember

Hildigunnur Svavarsdóttir, framkvæmdastjóri hjúkrunar og framkvæmdastjóri bráða- og þróunarsviðs Sjúkrahússins á Akureyri er meðal fyrirlesara á heilbrigðisþingi næstkomandi föstudag. Þar ræðir hún um nauðsyn þess að forgangsraða fjárveitingum svo íslenskt heilbrigðiskerfi standi undir því markmiði að tryggja örugga og hagkvæma heilbrigðisþjónustu þar sem aðgengi landsmanna er tryggt og þjónusta á heimsmælikvarða.

07. nóv. 2019Heilbrigðisráðuneytið, Heilbrigðismál, Líf og heilsa

Heilsugæslustöðvar á Akureyri verði tvær

Heilbrigðisráðherra hefur ákveðið að við endurnýjun húsnæðis fyrir heilsugæsluþjónustu á Akureyri verði gert ráð fyrir tveimur starfsstöðvum heilsugæslu í bænum. Miðað er við að auglýsa eftir húsnæði fyrir stöðvarnar í byrjun næsta árs. Ákvörðun ráðherra er í samræmi við vilja stjórnenda Heilbrigðisstofnunar Norðurlands og tillögu ráðgjafafyrirtækis sem vann skýrslu um húsnæði heilsugæslunnar á Akureyri fyrir stofnunina í lok síðasta árs.

02. nóv. 2019Ræður og greinar, Heilbrigðisráðuneytið, Heilbrigðismál, Líf og heilsa

Tölum um geðheilbrigði

02 nóvember 2019 / Heilbrigðisráðuneytið Tölum um geðheilbrigði Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Starfshópur sem ég skipaði til að setja fram leiðbeiningar um hvernig fjalla mætti um geðheilbrigðismál í fjölmiðlum á fordómalausan hátt skilaði niðurstöðum sínum til mín nýlega. Hópurinn var skipaður í samræmi við stefnu og aðgerðaáætlun alþingis í geðheilbrigðismálum til fjögurra ára. Hópurinn leitaðist við að kynna sér málið frá öllum sjónarhornum og fékk til fundar við sig fjölda sérfræðinga, s

01. nóv. 2019Heilbrigðisráðuneytið, Heilbrigðismál, Líf og heilsa

Heimahjúkrun efld með 130 m.kr. viðbótarframlagi

Svandís Svavarsdóttir heilbrigðisráðherra hefur ákveðið að veita samtals 130 milljónir króna af fjárlögum þessa árs til að styrkja mönnun í heimahjúkrun og auka þjónustuna, meðal annars með stuðningi við áform um að hagnýta velferðartækni í meira mæli. Auknir fjármunir renna til heilbrigðisumdæmis höfuðborgarsvæðisins og Heilbrigðisstofnunar Norðurlands.

31. okt. 2019Heilbrigðisráðuneytið, Heilbrigðismál, Líf og heilsa

Aukin þjónusta með opnun endurhæfingarrýma á Sauðárkróki

Svandís Svavarsdóttir heilbrigðisráðherra hefur fallist á tillögu stjórnenda Heilbrigðisstofnunar Norðurlands (HSN) um að koma á fót aðstöðu með allt að fjórum rýmum til almennrar endurhæfingar við starfsstöð stofnunarinnar á Sauðárkróki. Jón Helgi Björnsson, forstjóri HSN segir þetta framfaraskref sem styrki starfsemina á Sauðárkróki og geri kleift að bjóða fleirum en ella endurhæfingu í nærumhverfi sínu.

24. okt. 2019Heilbrigðisráðuneytið, Mannréttindi og jafnrétti, Líf og heilsa

„Aðgát skal höfð…“ Morgunverðarfundur 31. október

Viðmið í umfjöllun um geðheilbrigðismál í fjölmiðlum verða kynnt á morgunverðarfundinum „Aðgát skal höfð“ sem heilbrigðisráðuneytið boðar til á Grand hótel 31. október næstkomandi. Viðmiðin eru afrakstur starfshóps sem heilbrigðisráðherra skipaði til að setja fram leiðbeiningar um hvernig best megi fjalla um geðheilbrigðismál í fjölmiðlum án þess að ala á fordómum gagnvart fólki með geðrænan vanda. Hópurinn var skipaður í samræmi við ályktun Alþingis stefnu og aðgerðaáætlun í geðheilbrigðismálum og skilaði ráðherra skýrslu sinni í dag.

24. okt. 2019Líf og heilsa, Heilbrigðismál, Heilbrigðisráðuneytið

Heilbrigðisráðherra skrifar um kosti rafrænna fylgiseðla

Þann 18. október síðastliðinn var haldinn hér á landi fjölmennur fundur íslenskra og erlendra sérfræðinga í tengslum við formennsku Íslands í Norrænu ráðherranefndinni. Umfjöllunarefni fundarins voru kostir rafrænna fylgiseðla lyfja með lyfjum en Ísland hefur haft forystu um innleiðingu rafrænna fylgiseðla á norrænum vettvangi. Innleiðing rafrænna fylgiseðla hefur verið eitt af forgangsmálum ríkisstjórnarinnar og er einnig sett fram sem markmið í ályktun Alþingis um lyfjastefnu til ársins 2020.

24. okt. 2019Ræður og greinar, Heilbrigðisráðuneytið, Líf og heilsa

Kostir rafrænna fylgiseðla

24 október 2019 / Heilbrigðisráðuneytið Kostir rafrænna fylgiseðla Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Þann 18. október síðastliðinn var haldinn hér á landi fjölmennur fundur íslenskra og erlendra sérfræðinga í tengslum við formennsku Íslands í Norrænu ráðherranefndinni. Umfjöllunarefni fundarins voru kostir rafrænna fylgiseðla lyfja með lyfjum en Ísland hefur haft forystu um innleiðingu rafrænna fylgiseðla á norrænum vettvangi

22. okt. 2019Heilbrigðisráðuneytið, Heilbrigðismál, Líf og heilsa

Fjölmennur vinnufundur um siðferðileg gildi og forgangsröðun í heilbrigðisþjónustu

Undirbúningur að mótun þingsályktunartillögu um siðferðileg gildi og forgangsröðun í heilbrigðisþjónustu hófst formlega með fjölmennum vinnufundi sem heilbrigðisráðherra efndi til í liðinni viku. Heilbrigðisþing 2019 sem haldið verður 15. nóvember næstkomandi verður helgað þessu viðfangsefni og var vinnufundurinn haldinn til að leggja grunn að umfjöllun þingsins svo það verði sem árangursríkast.

18. okt. 2019Heilbrigðisráðuneytið, Heilbrigðismál, Lyfjamál, Líf og heilsa

Innleiðing rafrænna fylgiseðla með lyfjum mikilvægt hagsmunamál

Norðurlandaþjóðirnar telja mikinn ávinning í því að innleiða rafræna fylgiseðla með lyfjum og vinna að því sameiginlega gagnvart Evrópusambandinu. Horft er til þess að rafrænir fylgiseðlar verði mikilvægur liður í því að sporna við lyfjaskorti og auka öryggi sjúklinga. Um þetta var fjallað á fjölmennum fundi íslenskra og erlendra sérfræðinga í Reykjavík í gær sem haldinn var í tengslum við formennsku Íslands í Norrænu ráðherranefndinni.

15. okt. 2019Heilbrigðisráðuneytið, Líf og heilsa, Ræður og greinar

Jafnræði til þjónustu

15 október 2019 / Heilbrigðisráðuneytið Jafnræði til þjónustu Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbrigðisráðherra skrifar: Starfshópur sem ég skipaði til að skoða fyrirkomulag varðandi hjálpartæki hér á landi skilaði skýrslu með niðurstöðum sínum í byrjun októbermánaðar. Hjálpartæki eru fötluðu fólki nauðsynleg til að auðvelda athafnir dagslegs lífs og verkefni starfshópsins var að koma með tillögur til úrbóta hvað varðar skipulag málaflokksins. Það er mat starfshópsins að skipulag hjálpartækjamála sé í dag brotakennt og á margra höndum og að af því leiði að hætta sé að því að jafnræði til þjónustu sé ekki í öllum tilvikum tryggt

15. okt. 2019Heilbrigðisráðuneytið, Heilbrigðismál, Líf og heilsa

Þjónusta geðheilsuteyma efld með þátttöku borgarinnar

Heilsugæsla höfuðborgarsvæðisins og Reykjavíkurborg hafa gert með sér samstarfsyfirlýsingu ásamt samningi sem kveður á um þátttöku þjónustumiðstöðva velferðarsviðs í verkefnum geðheilsuteyma heilsugæslunnar í Reykjavík. Svandís Svavarsdóttir heilbrigðisráðherra og Dagur B. Eggertsson borgarstjóri staðfestu samkomulagið og samstarfsyfirlýsinguna við undirritun í dag. Svandís Svavarsdóttir heilbrigðisráðherra segir samstarfið marka tímamót og engan vafa leika á því að það muni efla og bæta þjónustu geðheilsuteymanna við notendur.