Fjölgun ferðamanna meiri en vöxtur í kortaveltu

Kortavelta erlendra ferðamanna í íslenskum krónum jókst um tæp 28% í apríl 2017 miðað við sama mánuð árið áður. Á sama tíma var fjölgun ferðamanna um 62% og var þetta fimmti mánuðurinn í röð sem vöxtur ferðamanna var meiri en vöxtur í kortaveltu þeirra, samkvæmt samantekt ráðuneytisins um þetta efni.

Skýrsla um kosti og galla aðskilnaðar viðskiptabanka- og fjárfestingarbankastarfsemi

Hinn 9. mars 2017 skipaði fjármála- og efnahagsráðherra starfshóp sem fékk það hlutverk að skoða kosti og galla þess að aðskilja viðskiptabanka- og fjárfestingarbankastarfsemi.

Starfshópur um úrbætur á sviði skattskila af erlendri ferðaþjónustustarfsemi

Fjármála- og efnahagsráðherra hefur skipað starfshóp sem falið er að vinna tillögur að aðgerðum til úrbóta vegna ábendinga sem fram hafa komið um ójafna samkeppnisstöðu íslenskra ferðaþjónustuaðila gagnvart erlendum keppinautum, einkum á sviði hópferðastarfsemi.

Hlutverk upplýsingatækni í bættum ríkisrekstri

Fjármála- og efnahagsráðuneytið stóð í dag fyrir fundi um upplýsingatæknimál ríkisins þar sem rætt var um hlutverk upplýsingatækninnar í bættum ríkisrekstri.

Skýrsla starfshóps um kosti og galla aðskilnaðar viðskiptabanka- og fjárfestingarbankastarfsemi

Hinn 9. mars 2017 skipaði fjármála- og efnahagsráðherra starfshóp sem fékk það hlutverk að skoða kosti og galla þess að aðskilja viðskiptabanka- og fjárfestingarbankastarfsemi. Starfshópurinn hefur nú afhent fjármála- og efnahagsráðherra skýrsluna.

Alþjóðavæðing helsta umræðuefni tveggja daga fundar OECD

Tveggja daga ráðherrafundi Efnahags- og framfarastofnunarinnar (OECD) lauk í París í dag. Yfirskrift fundarins að þessu sinni, og jafnframt helsta umræðuefni, var alþjóðavæðingin og hvernig færa mætti ávinning hennar betur til almennings.

Alþjóðavæðing helsta umræðuefni tveggja daga ráðherrafundar OECD

Athugið: Þessi frétt er meira en 5 ára gömul. júní 2017 / Utanríkisráðuneytið Fjármála- og efnahagsráðuneytið Alþjóðavæðing helsta umræðuefni tveggja daga ráðherrafundar OECD Ráðherrafundur OECD Tveggja daga ráðherrafundi Efnahags- og framfarastofnunarinnar (OECD) lauk í París í dag

Ísland undirritar fjölþjóðasamning gegn skattundandrætti og skattsvikum

Benedikt Jóhannesson, fjármála- og efnahagsráðherra, undirritar í dag fyrir hönd Íslands fjölþjóðasamning sem miðar að því að stemma stigu við skattundandrætti og skattsvikum með misnotkun tvísköttunarsamninga. Yfir 100 ríki hafa gerst aðilar að samningnum og undirrita 65 þeirra hann í dag í tengslum við ráðherrafund Efnahags- og framafarastofnunarinnar (OECD) sem haldinn er í París.

Viljayfirlýsing ríkis og borgar um aukið framboð lóða

Benedikt Jóhannesson, fjármála- og efnahagsráðherra, og Dagur B. Eggertsson, borgarstjóri Reykjavíkur, undirrituðu í dag viljayfirlýsingu um að vinna sameiginlega að þróun og skipulagningu á lóðum og löndum í Reykjavík sem eru ýmist í eigu eða í umráðum ríkisins, með aukið framboð lóða að markmiði. Komist allar spildur í uppbyggingu gætu byggst um 1.100 íbúðir, auk mögulegrar uppbyggingar til viðbótar við núverandi áætlanir í landi Keldna sem gæti að lágmarki bætt við um 900 íbúðum.

OECD: Ísland gegni leiðandi hlutverki í innleiðingu kynjaðrar fjárlagagerðar

Íslensk stjórnvöld eru reiðubúin til samvinnu við Efnahags- og framfarastofnunina, OECD, til þess að ná markmiðum um kynjajafnrétti, hérlendis, sem og innan vébanda OECD. Þetta kemur fram í yfirlýsingu sem fjármála- og efnahagsráðherra og félags- og jafnréttismálaráðherra undirrituðu í dag. OECD hefur óskað eftir að Ísland verði í leiðandi hlutverki í innleiðingu kynjaðrar fjárlagagerðar hjá stofnuninni.

Um kaup á sérfræðiþjónustu vegna þjóðlendumála

Í skýrslu sem Ríkisendurskoðun hefur birt um kaup ráðuneytanna á sérfræðiþjónustu er meðal annars fjallað um viðskipti fjármála- og efnahagsráðuneytisins vegna þjóðlendumála. Af því tilefni tekur ráðuneytið fram að samningur um þjónustuna er í endurskoðun.

Samkomulag um efni tvísköttunarsamnings milli Íslands og Japans

Gengið var frá samkomulagi um efni tvísköttunarsamnings milli Íslands og Japans á fundi í Tókyó dagana 17. -19. maí sl.

Ársfjórðungsyfirlit ríkissjóðs janúar mars 2017

Ársfjórðungsyfirlit ríkissjóðs janúar mars 2017 liggur nú fyrir. Rekstraryfirlit fyrir A-hluta ríkissjóðs í heild sýnir jákvæðan tekjujöfnuð að upphæð 35,4 ma.kr. samanborið við 17,5 ma.kr. sem áætlanir gerðu ráð fyrir.

Endurkröfunefnd bifreiðatrygginga Nefndin kveður á um hvort beita skuli endurkröfurétti vegna stórkostlegs gáleysis eða ásetnings þess sem ábyrgð ber á tjóni sem vátryggingafélag hefur bætt samkvæmt lögum um ökutækjatryggingar. Hún starfar samkvæmt 20. gr

Fjármálaráð Fjármálaráð starfar samkvæmt 13. gr. laga um opinber fjármál

Dagpeningar ríkisstarfsmanna á ferðalögum innanlands - auglýsing nr. 1/2017

Ferðakostnaðarnefnd hefur ákveðið dagpeninga til greiðslu gisti- og fæðiskostnaðar ríkisstarfsmanna á ferðalögum innanlands á vegum ríkisins. Gildir frá og með 1. júní 2017. Jafnframt fellur úr gildi auglýsing nr. 2/2016 dags. 27. október 2016.

Ráðstefna um vágestina veggjatítlur og myglusvepp

Fjármála- og efnahagsráðuneytið, í samstarfi við Háskóla Íslands, Mannvirkjastofnun, Nýsköpunarmiðstöð, Samtök fjármálafyrirtækja og Viðlagatryggingu Íslands, boða til ráðstefnu um veggjatítlur og myglusvepp. Þar verður m.a. fjallað um hlutverk opinberra aðila vegna tjóna á fasteignum sem hljótast af þessum vágestum.

Ísland leiðandi ríki í sérfræðihópi OECD um kynjaða fjárlagagerð

Stofnfundur sérfræðihóps Efnahags- og framfarastofnunarinnar, OECD , um kynjaða fjárlagagerð var haldinn í Reykjavík 18. og 19 maí sl. Að frumkvæði OECD var fundurinn haldinn á Íslandi vegna stöðu landsins sem leiðandi ríkis í jafnréttismálum.

Kynjuð fjárlagagerð hefur sannað gildi sitt

Kynjuð fjárlagagerð hefur sannað gildi sitt sem mikilvægt tæki til að vinna að jafnrétti kynjanna. Þetta kom fram í máli Benedikts Jóhannessonar fjármála- og efnahagsráðherra á stofnfundi sérfræðihóps aðildarríkja Efnahags- og framfarastofnunarinnar (OECD) um kynjaða fjárlagagerð, sem hófst í Reykjavík í dag. Að frumkvæði OECD var ákveðið að stofnfundurinn yrði haldinn á Íslandi vegna stöðu landsins sem leiðandi ríkis í jafnréttismálum. Þá mun Ísland gegna leiðandi hlutverki í sérfræðihópnum.

Úrskurður vegna stjórnsýslukæru - ákvörðun tollstjóra um frestun fyrirtöku fjárnámsgerðar

Kærð var til ráðuneytisins ákvörðum tollstjóra um að hafna beiðni um að fresta fyrirtöku fjárnámsgerðar á hendur kæranda verði felld úr gildi.

Viðræður að hefjast um gerð tvísköttunarsamnings við Japan

Í vikunni hefjast viðræður um gerð tvísköttunarsamnings við Japan. Fyrsti formlegi fundur samninganefnda ríkjanna fer fram í Tókýó og hefst fundurinn þann 17. maí nk.

Mál 3/2017. Úrskurður kærunefndar útboðsmála:

<p align="justify">Með kæru móttekinni hjá kærunefnd útboðsmála 30. janúar 2017 kærði Vision-Box – Soluçoês de Visão Por Computador S.A. útboð Ríkiskaupa og Isavia ohf. (hér eftir sameiginlega nefndir „varnaraðilar“) nr. 20293 auðkennt „ABC Automatic Border Control“. Skilja verður kæru svo að kærandi krefjist þess að ákvörðun varnaraðila frá 20. janúar 2017 um að ganga til samninga við Secunet Security Network AG verði felld úr gildi. </p>

Mál 1/2017. Úrskurður kærunefndar útboðsmála:

<p align="justify">Með kæru móttekinni hjá kærunefnd útboðsmála 9. janúar 2017 kærðu Ísmar ehf. og Múlaradíó ehf. rammasamningsútboð Ríkiskaupa nr. V20237 auðkennt „TETRA Farstöðvar“. Kærandi krefst þess að „felld verði úr gildi ákvörðun Ríkiskaupa um að hafna tilboði kærenda, og þar með hafna öllum tilboðum“ í hinu kærða útboði. Til vara er þess krafist að kærunefnd útboðsmála láti uppi álit sitt á skaðabótaskyldu varnaraðila gagnvart kærendum. Jafnframt er krafist málskostnaðar. </p>

Mál 9/2017. Ákvörðun kærunefndar útboðsmála:

<p align="justify">Með kæru móttekinni hjá kærunefnd útboðsmála 16. mars 2017 kærir Vélsmiðja Orms og Víglundar ehf. útboð Ríkiskaupa, f.h. Hafrannsóknarstofnunar (sameiginlega nefndir varnaraðilar) nr. 20509, auðkennt „Slipptaka – Árni Friðriksson Hafrannsóknarstofnun“. Kærandi krefst þess að felld verði úr gildi ákvörðun varnaraðila að leita samninga við Slippinn á Akureyri um hið útboðna verk. Jafnframt er þess krafist að kærunefnd útboðsmála láti í ljós álit sitt á skaðabótaskyldu varnaraðila gagnvart kæranda. Þá er krafist málskostnaðar. Í þessum hluta málsins tekur kærunefnd útboðsmála afstöðu til þess hvort rétt sé að verða við kröfu kæranda um að stöðva samningsgerðina um stundarsakir, en úrlausn málsins bíður að öðru leyti endanlegs úrskurðar. </p>

Mál 7/2017. Ákvörðun kærunefndar útboðsmála:

<p align="justify">Með kæru 6. mars 2017 kærði Rafal ehf. útboð Ríkiskaupa, fyrir hönd RARIK ohf. (hér eftir vísað til sem „varnaraðila“) nr. 20460 „Jarðspennistöðvar fyrir RARIK“. Kærandi krefst þess að felld verði úr gildi ákvörðun um val á tilboði RST nets ehf. og Hraunsala ehf. og tilboði þeirra verði vísað frá útboðinu. Hafi samningur þegar komist á gerir kærandi kröfu um að samningurinn verði lýstur óvirkur. Þá er þess krafist að varnaraðila RARIK ohf. verði gert að greiða kæranda málskostnað. Í þessum þætti málsins tekur nefndin afstöðu til kröfu kæranda um stöðvun samningsgerðar samkvæmt 1. mgr. 110 gr. laga nr. 120/2016 um opinber innkaup, en úrlausn málsins bíður að öðru leyti endanlegs úrskurðar.&nbsp;&nbsp;&nbsp;&nbsp;&nbsp; </p>

Mál 21/2016. Úrskurður kærunefndar útboðsmála:

<p align="justify">Með kæru móttekinni hjá kærunefnd útboðsmála 10. nóvember 2016 kærði HS Orka hf. örútboð Ríkiskaupa (hér eftir vísað til sem „varnaraðila“) nr. 20418 innan rammasamnings um raforku nr. RK 05.07. Kærandi gerir þær kröfur að nefndin láti uppi álit sitt á skaðabótaskyldu varnaraðila og varnaraðila verði gert að greiða kæranda málskostnað.</p>

Mál 24/2016. Úrskurður kærunefndar útboðsmála:

<p align="justify">Með kæru móttekinni hjá kærunefnd útboðsmála 9. desember 2016 kærði Exprima AB útboð Reykjavíkurborgar nr. 13805 auðkennt „Skóli, menningarhús, bókasafn og sundlaug 2. áfangi – Uppsteypa og utanhússfrágangur“. Kærandi krefst þess að „felld verði úr gildi ákvörðun varnaraðila um að hafna beiðni kæranda um viðbótarfrest í 15 daga, frá 7. desember 2016 að telja, til að skila inn vilyrði um skilyrðislausa verktryggingu“. Þá er þess krafist að kærunefnd láti uppi álit sitt á skaðabótaskyldu varnaraðila vegna framangreindrar ákvörðunar. Jafnframt er krafist málskostnaðar. </p>

Mál nr. 20/2017. Úrskurður kærunefndar útboðsmála:

<p align="justify">Með kæru móttekinni hjá kærunefnd útboðsmála 10. nóvember 2016 kærði Prima ehf. útboð Reykjavíkurborgar nr. 13805 auðkennt „Skóli, menningarhús, bókasafn og sundlaug 2. áfangi – Uppsteypa og utanhússfrágangur“. Kærandi krefst þess að felldur verði úr gildi hluti skilmála í A. lið í grein 0.1.3. í útboðsgögnum þannig að orðið „bjóðandi“ verði fellt út. Jafnframt er þess krafist að kærunefnd láti uppi álit sitt á skaðabótaskyldu varnaraðila vegna niðurfellingar á útboði nr. Auk þess er krafist málskostnaðar. </p>

Mál nr. 5/2017. Ákvörðun kærunefndar útboðsmála:

<p align="justify">Með kæru móttekinni 16. febrúar 2017 kærir BL ehf. örútboð Strætó bs. (hér eftir vísað til sem varnaraðila) auðkennt „Samningskaup – Örútboð III. Endurnýjun strætisvagna“. Kærandi krefst þess að kærunefnd útboðsmála ógildi ákvörðun varnaraðila um að taka tilboði Yutong Eurobus ehf. í hinu kærða útboði og kærunefnd útboðsmála veiti álit sitt á skaðabótaskyldu varnaraðila. Þá er krafist málskostnaðar. Í þessum þætti málsins tekur nefndin afstöðu til kröfu kæranda um að samningsgerð verði stöðvuð um stundarsakir, sbr. 1. mgr. 110. gr. laga nr. 120/2016 um opinber innkaup, en úrlausn málsins bíður að öðru leyti endanlegs úrskurðar.</p>

Mál nr. 25/2016. Úrskurður kærunefndar útboðsmála:

<p align="justify">Með kæru 14. desember 2016 kærði Tölvu- og rafeindaþjónusta Suðurlands ehf. örútboð Ríkiskaupa nr. 20386 „Örútboð á hýsingar- og rekstrarþjónustu fyrir Landlækni“. Kærandi gerir þær kröfur að ákvörðun varnaraðila um val á tilboði verði felld úr gildi, að ákvörðun varnaraðila um að meta tilboð kæranda ógilt verði felld úr gildi og að samningur varnaraðila við Advania ehf. verði lýstur óvirkur frá upphafi. Verði ekki fallist á óvirkni samnings eða hann ekki lýstur óvirkur frá upphafi er þess krafist að stjórnvaldssektir verði lagðar á varnaraðila og að gildistími samnings verði styttur. Þá krefst kærandi þess að nefndin láti uppi álit sitt á skaðabótaskyldu varnaraðila og varnaraðilum verði gert að greiða kæranda málskostnað.</p>

Mál nr. 19/2016. Úrskurður kærunefndar útboðsmála:

<p align="justify">Með kæru 5. október 2016 kærði JÁVERK ehf. útboð Seltjarnarnesbæjar auðkennt „Hjúkrunarheimili Seltjarnarnesi“. Kærandi krefst þess að felld verði úr gildi ákvörðun um val á tilboði LNS Sögu ehf. og varnaraðila verði gert að samþykkja tilboð kæranda. Þá er þess krafist að kærunefndin láti uppi álit sitt á skaðabótaskyldu varnaraðila gagnvart kæranda og varnaraðila verði gert að greiða kæranda málskostnað.</p>

Reglugerð um varfærniskröfur vegna starfsemi fjármálafyrirtækja birt í stjórnartíðindum

Reglugerð nr. 233/2017 um varfærniskröfur vegna starfsemi fjármálafyrirtækja var birt í B-deild Stjórnartíðinda 22. mars sl. Með reglugerðinni tekur reglugerð (ESB) nr. 575/2013 um varfærniskröfur vegna starfsemi lánastofnana og verðbréfafyrirtækja gildi hér á landi sbr. 117. gr. a laga nr. 161/2002, um fjármálafyrirtæki sbr. 1., 91. og 92. gr. reglugerðar nr. 233/2017.

Kortavelta erlendra ferðamanna

Kortavelta erlendra ferðamanna í íslenskum krónum jókst um tæp 28% í apríl 2017 miðað við sama mánuð árið áður.

Markviss nýting upplýsingatækni

Upplýsingatækni er mikilvægt verkfæri til að auka skilvirkni og hagræðingu í opinberri stjórnsýslu á sama tíma og gagnsæi eykst og almenningur fær betri þjónustu.

Greinargerð fjármála- og efnahagsráðherra um framgang áætlunar um losun fjármagnshafta

Fjármála- og efnahagsráðherra hefur birt greinargerð um framgang áætlunar um losun fjármagnshafta, en samkvæmt lögum nr. 87/1992 um gjaldeyrismál ber honum að gera Alþingi grein fyrir framgangi áætlunar um losun takmarkana á fjármagnshreyfingum milli landa og gjaldeyrisviðskiptum á sex mánaða fresti þar til slíkum takmörkunum verður endanlega aflétt.

Nýr aðstoðarmaður fjármála- og efnahagsráðherra

Ólafía B. Rafnsdóttir hefur verið ráðin aðstoðarmaður Benedikts Jóhannessonar fjármála- og efnahagsráðherra.

Samráðshópur um jöfnun launa milli almenns og opinbers vinnumarkaðar

Í samkomulagi um breytingar á skipan lífeyrismála opinberra starfsmanna sem undirritað var í september 2016 var sérstaklega fjallað um að vinna þurfi að því að jafna laun einstakra hópa milli almenns og opinbers vinnumarkaðar. Fjármála- og efnahagsráðherra hefur skipað samráðshóp til að fara yfir og meta hvaða tölfræðigögn og -aðferðir þurfi að liggja til grundvallar í slíkri vinnu.

Vegna sölu ríkisins á jörðinni Vífilsstöðum

Ríkissjóður gerði á dögunum samning við Garðabæ um sölu á jörðinni Vífilsstöðum fyrir 560 m.kr. auk þess sem ríkissjóður á rétt á 60% hlutdeild í ábata af sölu byggingarréttar á svæðinu, sem fer umfram það sem gert var ráð fyrir við verðmat á landinu.

Úrskurður í tilefni af höfnun ÁTVR á umsókn kæranda.

Kærð var til ráðuneytisins mat Áfengis- og tóbaksverslun ríkisins (ÁTVR) á tóbaksumbúðum.

Mál nr. 18/2016. Úrskurður kærunefndar útboðsmála:

<p align="justify">Með kæru 28. september 2016 kærði Penninn ehf. örútboð sýslumannsins á höfuðborgarsvæðinu „Skrifstofuhúsgögn fyrir sýslumanninn á höfuðborgarsvæðinu“. Kærandi krefst þess að felld verði úr gildi ákvörðun um val á tilboði Á. Guðmundssonar ehf. og lagt verði fyrir varnaraðila að auglýsa útboðið á nýjan leik. Þá er þess krafist að kærunefndin láti uppi álit sitt á skaðabótaskyldu varnaraðila gagnvart kæranda og varnaraðila verði gert að greiða kæranda málskostnað.</p>

Stjórnsýslukæra - ákvörðun RSK um leiðréttingu verðtryggðra fasteignaveðlána

Kærð var til ráðuneytisins ákvörðun ríkisskattstjóra frá 13. júlí 2016 um leiðréttingu verðtryggðra fasteignaveðlána.

Mál nr. 3/2017. Ákvörðun kærunefndar útboðsmála:

<p align="justify">Með kæru mótekinni 30. janúar 2017 kærir Vision- Box – Soluçoês de Visão Por Computador S.A. útboð Ríkiskaupa og Isavia ohf. (hér eftir vísað til sameiginlega sem „varnaraðila“) nr. 20293 auðkennt „ABC Automatic Border Control“. Skilja verður kæru sem svo að kærandi krefjist þess að ákvörðun varnaraðila frá 20. janúar 2017 um að ganga til samninga við Secunet Security Network AG verði felld úr gildi. Í þessum þætti málsins tekur nefndin afstöðu til kröfu varnaraðila um afléttingu sjálfkrafa banns við samningsgerð samkvæmt 1. mgr. 107. gr. laga nr. 120/2016 um opinber innkaup, en úrlausn málsins bíður að öðru leyti endanlegs úrskurðar.</p>

Mál 22/2016. Úrskurður kærunefndar útboðsmála:

<p align="justify">Með kæru móttekinni hjá kærunefnd útboðsmála 22. nóvember 2016 kærði Orkuvirki ehf. útboð Ríkiskaupa f.h. Isavia ohf. (hér eftir sameiginlega nefndir „varnaraðilar“) nr. 20412 auðkennt „12 kV Switchgear for KEF“. Kærandi krefst þess að frávísun varnaraðila á tilboði kæranda verði hafnað og kærunefnd útboðsmála „úrskurði að tilboðið uppfylli útboðsskilmála.“ Þá er gerð sú krafa að kærunefnd taki tilboð kæranda „til efnislegrar meðferðar“ og jafnframt að kærunefnd „leggi mat á meðferð málsins hjá Ríkiskaupum og þá sérstaklega hvort útboðið hafi verið sniðið að tilteknum framleiðanda.“</p>

Fréttabréf stjórnenda ríkisstofnana 6. febrúar 2017

Fréttabréf stjórnenda 1. tbl. 19. árgangs er komið út.&nbsp;

Mál nr. 16/2016. Úrskurður kærunefndar útboðsmála:

<p align="justify">Með kæru móttekinni hjá kærunefnd útboðsmála 26. september 2016 kærðu Hansen verktakar ehf. útboð Ríkiskaupa f.h. Isavia ohf. (hér eftir vísað til sem „varnaraðila“) nr. 20397 auðkennt „Stækkun Suðurbyggingar FLE til norðurs 2016, SSN1606-9 - Múrverk“.&nbsp; Kærandi krefst þess að felld verði úr gildi ákvörðun varnaraðila um val á tilboði ÁÁ verktaka ehf. í hinu kærða útboði. Jafnframt er þess krafist að kærunefnd útboðsmála láti uppi álit sitt á skaðabótaskyldu varnaraðila. Kærandi krefst einnig málskostnaðar.</p>

Mál 21/2016. Ákvörðun kærunefndar útboðsmála:

<p align="justify">Með kæru móttekinni hjá kærunefnd útboðsmála 10. nóvember 2016 kærði HS Orka hf. örútboð Ríkiskaupa (hér eftir vísað til sem „varnaraðila“) nr. 20418 innan rammsamnings um raforku nr. RK 05.07. &nbsp;Varnaraðili skilaði greinargerð sinni ásamt fylgiskjölum 5. desember 2016, þ.á m. útfylltu tilboðsblaði Orkusölunnar ehf. vegna örútboðsins. Með tölvubréfi 12. sama mánaðar óskaði kærandi eftir því að fá afhent umrætt tilboðsblað. Leitað var eftir afstöðu varnaraðila og Orkusölunnar ehf. og bárust athugsemdir þeirra með tölvubréfum 29. sama mánaðar og 12. janúar 2017. Er því mótmælt af hálfu beggja aðila að skjalið verði afhent kæranda og vísað til þess að það hafi verið auðkennt sem trúnaðarmál.</p>

Mál 10/2016. Úrskurður kærunefndar útboðsmála:

<p align="justify">Með kæru 27. júlí 2016 kærir PricewaterhouseCoopers ehf. örútboð Ríkiskaupa, fyrir hönd Reykjanesbæjar (hér eftir vísað til sem „varnaraðila“), nr. 20302 „Endurskoðun Reykjanesbæjar“. Kærandi gerir þær kröfur að viðurkennt verði að ákvörðun varnaraðila um val á tilboði hafi verið ólögmæt, að samningur varnaraðila við Grant Thornton endurskoðun ehf. verði felldur úr gildi og nefndin láti uppi álit sitt á skaðabótaskyldu varnaraðila gagnvart kæranda.</p>

Mál 9/2016. Úrskurður kærunefndar útboðsmála:

<p align="justify">Með kæru 27. júlí 2016 kærir Endurskoðunarþjónustan ehf. örútboð Ríkiskaupa, fyrir hönd Reykjanesbæjar (hér eftir vísað til sem „varnaraðila“), nr. 20302 „Endurskoðun Reykjanesbæjar“. Kærandi krefst þess að felld verði úr gildi ákvörðun varnaraðila um val á tilboði í hinu kærða útboði, að nefndin láti uppi álit sitt á skaðabótaskyldu varnaraðila gagnvart kæranda og varnaraðilum verði gert að greiða kæranda málskostnað.</p>

Mál nr. 8/2016. Úrskurður kærunefndar útboðsmála:

<p align="justify">Með kæru 13. júlí 2016 kærði Verkfræðistofan Vista ehf. útboð Ríkiskaupa, fyrir hönd Vegagerðarinnar (hér eftir vísað til sem „varnaraðila“), nr. 20258 „Endurnýjun frostdýptarmælibúnaðar fyrir Vegagerðina“. Kærandi krefst þess að felld verði úr gildi ákvörðun varnaraðila um val á tilboði en til vara að nefndin beini því til varnaraðila að auglýsa útboðið á nýjan leik. Kærandi krefst þess jafnframt að kærunefndin láti uppi álit á skaðabótaskyldu varnaraðila og að þeim verði gert að greiða kæranda málskostnað.</p>

Mál nr. 12/2016. Úrskurður kærunefndar útboðsmála:

<p align="justify">Með kæru móttekinni 19. ágúst 2016 kærði Fjarskipti hf. útboð sveitarfélagsins Rangárþings eystra (hér eftir vísað til sem „varnaraðila“) auðkennt „Uppbygging og rekstur ljósleiðarakerfis“. Endanlegar kröfur kæranda eru aðallega að ákvörðun varnaraðila frá 10. ágúst 2016 um að samið verði við Mílu ehf. um uppbyggingu og rekstur ljósleiðarakerfis verði lýst ógild og lagt verði fyrir varnaraðila að framkvæmda útboðið á nýjan leik. Til vara er þess krafist að áðurnefnd ákvörðun varnaraðila verði lýst ólögmæt og nefndin viðurkenni skaðabótaskyldu varnaraðila gagnvart kæranda. Kærandi krefst þess einnig, „fari svo að kærunefndin álíti málið falla utan valdsviðs hennar“, að kæra Fjarskipta hf. „verði framsend til innanríkisráðuneytisins, sbr. 2. mgr. 7. gr. stjórnsýslulaga nr.…