Efnisorð
Tegund

Leita eftir efnisorðum

Sýnir 3651–3700 af 4290
Raða eftir:
11. júl. 2019Utanríkisráðuneytið, Utanríkismál, Mannréttindi, Mannréttindi og jafnrétti

Ályktun Íslands um mannréttindaástand á Filippseyjum samþykkt

Mannréttindaráð Sameinuðu þjóðanna samþykkti í dag ályktun sem Ísland hafði lagt fram í ráðinu um stöðu mannréttindamála á Filippseyjum. Með samþykkt ályktunarinnar lýsir mannréttindaráðið formlega yfir áhyggjum af ástandinu á Filippseyjum, hvetur stjórnvöld í landinu til að stöðva aftökur á fólki án dóms og laga og draga þá til ábyrgðar sem hafa staðið fyrir slíku.

09. júl. 2019Forsætisráðuneytið, Efnahagsmál og opinber fjármál, Heilbrigðisráðuneytið, Félags- og húsnæðismálaráðuneytið, Dómsmálaráðuneytið, Fjármála- og efnahagsráðuneytið, Utanríkisráðuneytið

Ársskýrslur ráðherra birtar

Ársskýrslur ráðherra eru nú gefnar út í annað sinn. Aukið gagnsæi um ráðstöfun og nýtingu fjármuna er markmiðið með skýrslunum sem er einnig ætlað að vera grundvöllur fyrir umræðu um stefnumörkun og forgangsröðun hins opinbera.

09. júl. 2019Utanríkisráðuneytið, Annað, Þróunarsamvinna

Marel og Thoregs hljóta styrki úr samstarfssjóði við atvinnulífið

Tvö verkefni sem byggja á íslensku hugviti og verkþekkingu hafa fengið styrki úr Samstarfssjóði við atvinnulíf um heimsmarkmið Sameinuðu þjóðanna. Utanríkisráðuneytið kynnti á síðasta ári nýjan samstarfssjóð við atvinnulífið um heimsmarkmiðin sem ætlaður er samstarfsverkefnum fyrirtækja. Hlutverk sjóðsins er að hvetja til þátttöku og framlags atvinnulífs til þróunarsamvinnu, með það að markmiði að stuðla að atvinnusköpun og sjálfbærum hagvexti í fátækum ríkjum. Þetta eru fyrstu styrkirnir sem veittir eru úr sjóðnum.

01. júl. 2019Utanríkisráðuneytið, Annað, Þróunarsamvinna, Alþjóðabankinn

Ísland tekur í dag sæti í stjórn Alþjóðabankans

Geir H. Haarde, fyrrverandi sendiherra Íslands í Washington, tók í dag við stöðu aðalfulltrúa kjördæmis Norðurlandanna og Eystrasaltsríkjanna hjá Alþjóðabankanum. Hann kemur til með að stýra skrifstofu kjördæmisins í höfuðstöðvum bankans í Washington um tveggja ára skeið og situr í 25 manna stjórn bankans fyrir hönd kjördæmisins. Ísland er fámennasta aðildarríki bankans sem skipar í stöðu aðalfulltrúa í stjórn hans.

27. jún. 2019Utanríkisráðuneytið, Öryggis- og varnarmál, Utanríkismál, Fastanefnd Íslands hjá NATO, Sendiskrifstofa

Afvopnunarmál og Afganistan efst á baugi á fundi varnarmálaráðherranna

Afvopnunarmál, staða og horfur í Afganistan og framlög aðildarríkja til varnarmála voru helstu umræðuefnin á fundi varnarmálaráðherra Atlantshafsbandalagsins sem lauk í Brussel í dag. Guðlaugur Þór Þórðarson utanríkisráðherra sat fundinn af hálfu Íslands en hann sótti jafnframt fund varnarmálaráðherra Norðurhópsins svonefnda þar sem viðbrögð við upplýsingaóreiðu voru ofarlega á baugi.

24. jún. 2019Utanríkisráðuneytið, Utanríkismál, Alþjóðasamningar, Brexit, Evrópusamvinna, Utanríkisviðskipti, Mannréttindi og jafnrétti

Ráðherrafundi EFTA í Liechtenstein lokið

Staða fríverslunarviðræðna, horfur í alþjóðaviðskiptum, samskiptin við Evrópusambandið og Brexit voru helstu umræðuefnin á ráðherrafundi Fríverslunarsamtaka Evrópu EFTA, sem fram fór í Liechtenstein í dag. Að frumkvæði Íslands verða ákvæði um jafnréttismál eftirleiðis hluti af samningsmódeli EFTA.

24. jún. 2019Utanríkisráðuneytið, Annað, Sameinuðu þjóðirnar

Ísland leggur fram fyrstu ályktanirnar í mannréttindaráðinu

Ísland kemur til með að halda áfram frumkvæði í gagnrýni á Filippseyjar og Sádí-Arabíu í mannréttindaráði Sameinuðu þjóðanna. Michelle Bachelet, mannréttindafulltrúi Sameinuðu þjóðanna, flutti yfirlitsræðu í morgun um stöðu mannréttinda í heiminum við upphaf fundarlotu mannréttindaráðs Sameinuðu þjóðanna en þessi lota er sú þriðja sem Ísland sækir sem kjörinn meðlimur ráðsins.

23. jún. 2019Utanríkisráðuneytið, Annað, Föstudagspóstur

Föstudagspóstur Uppló - á sunnudegi 23. júní 2019

Heil og sæl. Á þessum fagra sunnudegi er við hæfi að fara yfir það helsta sem á daga okkar hefur drifið undanfarinn hálfan mánuð. Fyrst skal nefna glænýja könnun um viðhorf landsmanna til utanríkisþjónustunnar og verkefna hennar. Þar kennir ýmissa grasa en megin niðurstaðan er þó að þorri Íslendinga er jákvæður í garð alþjóðastofnana og þátttöku Íslands í alþjóðlegu samstarfi. Það er í senn bæði ánægjulegt og hvatning fyrir okkur öll. Við hvetjum ykkur til að kynna ykkur könnunina til hlítar.

21. jún. 2019Utanríkisráðuneytið, Alþjóðamál, Evrópusamvinna, Norrænt samstarf, Öryggis- og varnarmál, Þróunarsamvinna, Utanríkisviðskipti, Utanríkismál

Íslendingar velviljaðir þátttöku í alþjóðasamstarfi

Þorri Íslendinga er jákvæður í garð alþjóðastofnana og þátttöku Íslands í alþjóðlegu samstarfi. Þetta er niðurstaða könnunar sem Maskína gerði fyrir utanríkisráðuneytið um viðhorf Íslendinga til alþjóðasamstarfs. Íslendingar eru sérstaklega jákvæðir í garð norræns samstarfs.

20. jún. 2019Forsætisráðuneytið, Heimsmarkmiðin, Dómsmálaráðuneytið, Félags- og húsnæðismálaráðuneytið, Fjármála- og efnahagsráðuneytið, Heilbrigðisráðuneytið, Mennta- og barnamálaráðuneytið, Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Atvinnuvegaráðuneytið

Sameinuðu þjóðirnar birta landsrýniskýrslu Íslands um heimsmarkmiðin

Sameinuðu þjóðirnar hafa birt á vef sínum skýrslu íslenskra stjórnvalda um innleiðingu heimsmarkmiðanna.

19. jún. 2019Umhverfi og náttúruvernd, Utanríkismál, Norðurslóðir, Utanríkisráðuneytið

Fyrsti stjórnarnefndarfundur Norðurskautsráðsins í formennskutíð Íslands haldinn í Reykjanesbæ

Ísland tók í byrjun maí síðastliðnum við formennsku í Norðurskautsráðinu til næstu tveggja ára. Dagana 18.-19. júní var fyrsti stjórnarfundur embættismannanefndar ráðsins, á formennskutíma Íslands, haldinn í Hljómahöllinni í Reykjanesbæ. Með fundinum er hrundið af stað röð reglubundinna funda Norðurskautsráðsins og tengdra viðburða sem fara munu fram víðsvegar um landið næstu tvö árin.

19. jún. 2019Utanríkisráðuneytið, Formennska Íslands 2019, Norrænt samstarf, Innviðaráðuneytið

Norðurlöndin verði sjálfbærasta og samþættasta svæði í heimi

Sigurður Ingi Jóhannsson stýrði fundi samstarfsráðherra Norðurlandanna sem fram fór á Hellu í dag. Á fundinum var ný framtíðarsýn fyrir Norrænu ráðherranefndina samþykkt en hún felur í sér vilja til stóraukinnar samvinnu á vegum Norrænu ráðherranefndarinnar í loftslags- og umhverfismálum, og eflingu innra samstarfs til að íbúar Norðurlandanna geti áfram ferðast óhindrað milli landa, stundað nám eða stofnað fyrirtæki hver hjá öðrum.

19. jún. 2019Utanríkisráðuneytið, Formennska Íslands 2019, Norrænt samstarf, Innviðaráðuneytið

Norðurlöndin verði sjálfbærasta og samþættasta svæði í heimi

Sigurður Ingi Jóhannsson stýrði fundi samstarfsráðherra Norðurlandanna sem fram fór á Hellu í dag. Á fundinum var ný framtíðarsýn fyrir Norrænu ráðherranefndina samþykkt en hún felur í sér vilja til stóraukinnar samvinnu á vegum Norrænu ráðherranefndarinnar í loftslags- og umhverfismálum, og eflingu innra samstarfs til að íbúar Norðurlandanna geti áfram ferðast óhindrað milli landa, stundað nám eða stofnað fyrirtæki hver hjá öðrum.

11. jún. 2019Forsætisráðuneytið, Utanríkismál, Utanríkisráðuneytið, Norðurslóðir, Öryggis- og varnarmál, Formennska Íslands 2019

Framkvæmdastjóri Atlantshafsbandalagsins í heimsókn á Íslandi

Öryggismál á Norður-Atlantshafi, fyrirhuguð verkefni Íslands í Kosovo, norrænt öryggismálasamstarf og fjölþátta ógnir voru aðalumræðuefnin á fundum Katrínar Jakobsdóttur, forsætisráðherra, og Guðlaugs Þórs Þórðarsonar, utanríkisráðherra, með Jens Stoltenberg, framkvæmdastjóra Atlantshafsbandalagsins. Stoltenberg er staddur hér á landi í heimsókn í boði forsætisráðherra.

04. jún. 2019Utanríkisráðuneytið, Loftslagsmál, Mannréttindi, Norðurslóðir, Utanríkisviðskipti, Utanríkismál

Mannréttindamál og tvíhliða samskipti rædd á fundi með You Quan

Tvíhliða samskipti Íslands og Kína, málefni norðurslóða og mannréttindamál voru á meðal umræðuefna á fundi Guðlaugs Þórs Þórðarsonar utanríkisráðherra og You Quan, háttsettum embættismanni í miðstjórn kínverska Kommúnistaflokksins, sem haldinn var í utanríkisráðuneytinu í morgun.

04. jún. 2019Utanríkisráðuneytið, Annað, Úganda, Malaví, Þróunarsamvinna

Starfshópur skilar skýrslu um mannréttindamiðaða þróunarsamvinnu

Öll verkefni og aðgerðir í tvíhliða þróunarsamvinnu eiga að vera í samræmi við meginreglur mannréttinda og byggja á vönduðum greiningum á stöðu mannréttinda, áhrifum inngripa og öðrum viðeigandi þáttum, segir í nýrri skýrslu utanríkisráðuneytisins um mannréttindamiðaða nálgun í tvíhliða þróunarstarfi. Starfshópurinn sem vann skýrsluna leggur til að mótuð verði heildræn stefnumið um mannréttindamiðaða þróunarsamvinnu og áréttar að mannréttindi verði lögð til grundvallar í þróunarsamvinnu með þátttöku íslensks atvinnulífs.

21. maí 2019Utanríkisráðuneytið, Mannréttindi og jafnrétti, Utanríkismál, Dómsmálaráðuneytið, Forsætisráðuneytið

Ísland hlýtur viðurkenningu fyrir einarða baráttu fyrir jafnrétti

Ísland hlaut í dag viðurkenningu fyrir einarða baráttu fyrir jafnrétti á norrænu viðskiptaráðstefnunni Womenomics í Kaupmannahöfn en það er í fyrsta sinn sem land eða þjóð hlýtur slíka viðurkenningu. Guðlaugur Þór Þórðarson utanríkisráðherra tók við viðurkenningunni fyrir hönd Katrínar Jakobsdóttur forsætisráðherra. Hann hélt einnig opnunarávarp á rakarastofuráðstefnu sem haldin var við þetta tækifæri að íslenskri fyrirmynd.

20. maí 2019Utanríkisráðuneytið, Alþjóðasamningar, Evrópusamvinna, Loftslagsmál, Utanríkisviðskipti, Utanríkismál

EES-ráðið fagnar 25 ára afmæli EES-samningsins

Guðlaugur Þór Þórðarson utanríkisráðherra undirstrikaði sameiginlegan skilning á upptöku þriðja orkupakkans á fundi EES-ráðsins í Brussel í dag og skoraði á ESB að fella niður tolla á íslenskar sjávarafurðir. Utanríkisráðherrar Íslands, Noregs og Liechtenstein og fulltrúar ESB fögnuðu 25 ára afmæli samningsins um Evrópska efnahagssvæðið á fundinum.

16. maí 2019Utanríkisráðuneytið, Annað, Fjölþjóðastofnanir, Skólar GRÓ, Hjálparstarf, Íslensk frjáls félagasamtök, Malaví, Sameinuðu þjóðirnar, Þróunarsamvinna, Úganda, UN Women, Alþjóðabankinn

Framtíðarsýn heimsmarkmiðanna grundvöllur nýrrar stefnu í þróunarsamvinnu

Yfirmarkmið Íslands í alþjóðlegri þróunarsamvinnu verður að draga úr fátækt og hungri og stuðla að almennri velferð á grundvelli mannréttinda, kynjajafnréttis og sjálfbærrar þróunar, segir í nýsamþykktri þingsályktunartillögu um stefnu um alþjóðlega þróunarsamvinnu Íslands sem gildir fyrir árin 2019 til 2023. „Það hefur verið mér sérstakt kappsmál að eiga samstarf við atvinnulífið og nýta enn betur þá sértæku þekkingu sem við búum yfir á fjölmörgum sviðum við uppbyggingu innviða og atvinnuvega í þróunarríkjum. Nýjum samstarfssjóði við atvinnulífið er ætlað að styrkja verkefni í fátækum ríkjum og þær áherslur endurspeglast vel í stefnunni," segir Guðlaugur Þór Þórðarson utanríkisráðherra.

14. maí 2019Menningarmál, Utanríkismál, Utanríkisráðuneytið, Menningar-٫ nýsköpunar- og háskólaráðuneytið

Menningarsamstarf Íslands og Kína

Menningarmálaráðherrar Íslands og Kína skrifuðu í gær undir samkomulag um menningarsamstarf landanna. Lilja Alfreðsdóttir mennta- og menningarmála-ráðherra og Luo Shugang menningar- og ferðamálaráðherra Kína skrifuðu undir yfirlýsingu sem ætlað er að efla samstarf ríkjanna á sviðum sviðslista, myndlistar, barnamenningar, bókmennta, útgáfu og bókasafna.

10. maí 2019Utanríkisráðuneytið, Alþjóðasamningar, Evrópusamvinna, Orka, Utanríkismál, Sendiráð Íslands í Brussel, Sendiskrifstofa

Sameiginleg yfirlýsing EFTA-ríkjanna í EES um sérstöðu Íslands

Guðlaugur Þór Þórðarson utanríkisráðherra kynnti á ríkisstjórnarfundi í morgun sameiginlega yfirlýsingu Íslands, Noregs og Liechtenstein á fundi í sameiginlegu EES-nefndinni þann 8. maí þar sem sérstaða Íslands hvað varðar innri raforkumarkað ESB er áréttuð.

09. maí 2019Utanríkisráðuneytið, Utanríkismál, Evrópusamvinna, Orka, Umhverfis-٫ orku- og loftslagsráðuneytið

Baudenbacher kynnir utanríkismálanefnd álitsgerð vegna þriðja orkupakkans

Þótt mögulegt sé að hafna upptöku nýrrar löggjafar ESB í EES-samninginn á lokastigum málsmeðferðar er þriðji orkupakkinn ekki mál af því tagi að réttlætanlegt sé að grípa til slíkra neyðarráðstafana. Þetta er mat Carls Baudenbachers, fyrrverandi forseta EFTA-dómstólsins, en hann kynnir utanríkismálanefnd Alþingis álitsgerð sína síðar í dag. Að áliti hans gæti það teflt aðild Íslands að EES-samningnum í tvísýnu verði þriðja orkupakkanum hafnað.

03. maí 2019Utanríkisráðuneytið, Alþjóðamál, Norrænt samstarf, Öryggis- og varnarmál, Utanríkismál

Utanríkisráðherra tók á móti skýrslu um norrænt utanríkismálasamstarf

Guðlaugur Þór Þórðarson utanríkisráðherra fékk í dag afhenta skýrslu norrænna alþjóðamálastofnana um framkvæmd tillagna Thorvalds Stoltenbergs um aukið samstarf Norðurlandanna í utanríkis- og öryggismálum. Skýrslan markar tíu ára afmæli Stoltenberg-tillagnanna svonefndu frá árinu 2009 um aukið samstarf Norðurlandanna á þessu sviði.

30. apr. 2019Utanríkisráðuneytið, Alþjóðamál, Alþjóðasamningar, Brexit, Evrópusamvinna, Norrænt samstarf, Öryggis- og varnarmál, Utanríkisviðskipti, Utanríkismál

Skýrsla utanríkisráðherra um utanríkis- og alþjóðamál kynnt á Alþingi

Guðlaugur Þór Þórðarson utanríkisráðherra flutti í dag Alþingi skýrslu sína um utanríkis- og alþjóðamál. Skýrslan gefur greinargott yfirlit yfir stöðu utanríkismála Íslands og helstu atburði á þeim vettvangi undanfarna tólf mánuði.

30. apr. 2019Utanríkisráðuneytið, Annað

Kappsmál í þróunarsamvinnu að nýta sértæka þekkingu Íslendinga

„Í samræmi við áherslur ríkisstjórnarinnar er þróunarsamvinna vaxandi liður í störfum utanríkisþjónustunnar. Í ár tekur Ísland við umfangsmiklu samræmingarstarfi kjördæmis Norðurlandanna og Eystrasaltsríkjanna í Alþjóðabankanum með formennsku í samstarfinu til tveggja ára. Á vettvangi Alþjóðabankans hefur tekist að koma á framfæri íslenskri sérþekkingu á sviði jarðhitanýtingar sem kemur þar að miklu gagni og til stendur að auka enn frekar aðkomu Íslands að verkefnum tengdum sjávarútvegi,“ sagði Guðlaugur Þór Þórðarson utanríkisráðherra í dag þegar hann kynnti skýrslu sína um utanríkis- og alþjóðamál fyrir Alþingi.